ດິນບອ໋ກ, ອີດມອນເບົາ ແລະ ດີນຈີ່

ເລືອກປະເພດໃຫ້ເໝາະກັບການໃຊ້ງານ

ມັນເປັນຄຳຖາມໜຶ່ງທີ່ສະມາຊິກໃນບ້ານໄອເດຍສອບຖາມກັນເລື້ອຍໆ (ຫຼາຍ), ອາດຈະຖືກເອີ້ນໄດ້ວ່າ ດ້ວຍຄວາມລັງເລໃຈໃນການເລືອກໃຊ້ດິນຈີ່ເພື່ອສ້າງຝາສຳລັບເຮືອນ ໂດຍສະເພາະຄູ່ແຂ່ງລະຫວ່າງ ດີນຈີ່ VS ອີດບອກເບົາ VS ດີນບອກ ປະເພດໃດທີ່ດີກວ່າ? ຜູ້ຂຽນເອງກໍ່ຕອບແບບຜັນທົງເລີຍບໍ່ໄດ້ວ່າ ແມ່ນປະເພດໃດດີກ່ວາກັນ ແຕ່ທັງ 3 ປະເພດນີ້ແມ່ນ ເໝາະສົມສຳລັບໃຊ້ໃນຮູບແບບຕ່າງໆ. ແຕ່ລະເຮືອນໃນຍຸກປະຈຸບັນ ສະຖາປະນິກ ແລະ ວິສະວະກອນ ຈຶ່ງເລືອກທີ່ຈະເອົາດິນທັງ 3 ປະເພດນີ້ມາໃຊ້ຮ່ວມກັນຢ່າງ ເໝາະສົມ.

ດິນບອກ

ຮູ້ຈັກກັບດິນຈີ່

ດີນຈີ່ ຜະລິດຈາກດິນໜຽວປະສົມກັບຂີ້ແກບ ຜະລິດໄດ້ເອງພາຍໃນປະເທດ ແຈກຢາຍຕາມເຂດທ້ອງຖິ່ນໃນທຸກຂົງເຂດ ມັນມີຄວາມທົນທານຫຼາຍໃນການນຳໃຊ້ງານ ແລະ ໄດ້ຮັບຄວາມນິຍົມຕັ້ງແຕ່ອະດີດ ແລະ ມີຄວາມຄຸ້ນເຄີຍກັບຊ່າງເຮັດດິນຈີ່ທົ່ວໄປ ນອກຈາກນັ້ນ, ດີນຈີ້ຍັງມີຄຸນລັກສະນະຂອງຄວາມຕ້ານທານຄວາມຊຸ່ມ ຄວາມຫນາແຫນ້ນສູງ ແລະ ມີລາຄາຖືກກວ່າອິດມອນເບົາ ສ່ວນຂໍ້ເສຍແມ່ນມີນ້ຳໜັກຫຼາຍກ່ວາອິດມອນເບົາ ໂດຍມີນ້ຳໜັກ 130 ກລ / ແມັດກ້ອນ ໃນກໍລະນີການກໍ່ສ້າງແບບຊັ້ນດຽວ ແລະ 180 ກິໂລ / ຕາແມັດ ໃນກໍລະນີກໍ່ສ້າງຝາ 2 ຊັ້ນ ລວມທັງດິນຈີ່ຂະໜາດນ້ອຍຈື່ງໃຊ້ເວລາກໍ່ຝາຂ້ອນຂ້າງຫຼາຍ ດ້ວຍເຫດນັ້ນ ຄ່າຈ້າງຈື່ງແພງ.

ອີກໜື່ງຂໍ້ເສຍທີ່ບໍ່ຄວນເບິ່ງຂ້າມຄືເລື້ອງຄວາມຮ້ອນ   ໂດຍດີນຈີ່ມີຄຸນສົມບັດເກັບຄວາມຮ້ອນ ສາມາດສັງເກດຈາກຝາທີ່ຖືກແສງແດດ ຖ້າທ່ານເອົາມືຂອງທ່ານໄປຈັບຝາທ່ານຈະຮູ້ສຶກຮ້ອນໃນເວລາກາງເວັນ ແລະ ຫລັງຈາກຕາເວັນຕົກດິນ ມັນຍັງຮ້ອນຢູ່ໃນຕອນແລງ ຈົນກ່ວາວ່າມັນຮອດຕອນເດີກມັນຕື່ງຄາຍຄວາມຮ້ອນໝົດ ວິທີປ້ອງກັນຄວາມຮ້ອນໂດຍນຳໃຊ້ດິນຈີ່ມາໃຊ້ງານ ນິຍົມກໍຝາ 2 ຊັ້ນ ໃນດ້ານທິດຕາເວັນຕົກ ແລະ ພາກໃຕ້ ເຊິ່ງແມ່ນທິດທາງທີ່ແສງແດດສ່ອງໃສ່ໃນເວລາກາງເວັນ, ການກໍ່ 2 ຊັ້ນຈະຕ້ອງເວັ້ນຊ່ອງວ່າງດີນຈີ່ແຈ່ລະຊັ້ນປະມານ 5  ຊມ. ເພື່ອໃຫ້ເກີດຊ່ອງວ່າງມີອາກາດຖ່າຍເທ ພ້ອມກັບເຮັດຊ່ອງວ່າງລະບາຍຄວາມຮ້ອນໃຫ້ກັບດີນຈີ່ຊັ້ນນອກເພື່ອໃຫ້ຄວາມຮ້ອນສາມາດຖ່າຍເທອອກຈາກເຮືອນ ສ່ວນດິນຈີ່ຊັ້ນໃນມັນບໍ່ໄດ້ຖືກຄວາມຮ້ອນໂດຍກົງ, ພາຍໃນເຮືອນຈື່ງເຢັນກ່ວາການກໍ່ຊັ້ນດຽວຫຼາຍ  ແຕ່ວ່າເຈົ້າຂອງເຮືອນຕ້ອງຈ່າຍຄ່າໃຊ້ຈ່າຍທີ່ສູງກວ່າ;

ຮູ້ຈັກກັບອີດບອກເບົາ

ອີກມວນເບົາ ຫຼື້ ອີດບອກເບົາ ມີສ່ວນປະກອບຫຼັກຄືປູນຊີມັງ Portland ຄຸນລັກສະນະເດັ່ນນ້ຳໜັກເບົາກວ່າດີນຈີ່ ຂະໜາດຂອງມັນໄດ້ມາດຕະຖານ ຫຼຸດຜ່ອນການສູນເສຍໄດ້ດີ ເໝາະສຳລັບຝາຂອງເຮືອນທີ່ຕ້ອງການລົດນ້ຳໜັກ ຂອງໂຄງສ້າງ ເນື່ອງຈາກວ່າອິດບອກເບົາທີ່ມີນ້ຳໜັກໜ້ອຍກວ່າດີນຈີ່ປະມານ 1 ໃນ 3 ຂອງດິນຈີ່ມອນເທົ່ານັ້ນ ປະຈຸບັນຢູ່ປະເທດໄທ ມີຜູ້ຜະລິດອີດບອກເບົາຫຼາຍແຫ່ງ (ປະເທດລາວກໍ່ມີຈຳໜ່າຍຢູ່ທີ່ໂຮງງານ SCC) ແຕ່ລະຍີ່ຫໍ້ຄຸນນະພາບທີ່ແຕກຕ່າງກັນແນະນຳໃຫ້ເລືອກຊື້ຕົວແທນ ຈຳໜ່າຍທີ່ມີການ ຮັບຮອງຈາກ ມອກ ຮັບຮອງ ຫຼື ຍີ່ຫໍ້ທີ່ໜ້າເຊື່ອຖື.

 ຄຸນສົມບັດທີ່ໂດດເດັ່ນຂອງອີດບອກເບົາ  ນອກຈາກເລື້ອງນ້ຳໜັກແລ້ວ ດ້ວຍຂະໜາດທີ່ໃຫ່ຍໄດ້ມາດຕະຖານ ຈື່ງຊ່ວຍໃຫ້ຂະບວນການກໍ່ສຳເລັດໄວກວ່າດີນຈີ່ ໃນນັ້ນຊ່າງຈະໃຊ້ປູນກໍ່ທີ່ຜະລິດມາເພື່ອອີດບອກເບົາໂດຍສະເພາະ ແລະ ເມື່ອກໍ່ເສັດໄວຄ່າແຮງຄົນງານຈື່ງລົດລົງ  ຂະໜາດທີ່ໄດ້ມາດຕະຖານຊ່ວຍຫຼຸດຜ່ອນການສູນເສຍຂອງອີດໄດ້ດີກ່ວາດີນຈີ່;

ສຳລັບຄຸນລັກສະນະດ້ານກັນຄວາມຮ້ອນ ແລະ ກັນສຽງ ອີດບອກເບົາເຮັດໄດ້ດີກ່ວາດິນຈີ່ຫຼາຍ (ເມື່ອປຽບທຽບກັບກໍລະນີຂອງການເຮັດດ້ວຍດີນຈີ່ຊັ້ນດຽວ) ຂໍ້ເສຍ ດ້ວຍຄຸນລັກສະນະທາງກາຍະພາບຂອງວັດສະດຸທີ່ມີຮູ ເຮັດໃຫ້ອິດບອກເບົາດູດຊຶມນ້ຳ ເຊິ່ງຈະມີຜົນກັບຄວາມຊຸ່ມຊື່ນ ການອອກແບບບໍ່ນິຍົມໃຊ້ພາຍໃນຫ້ອງນ້ຳ ແລະ ເຮືອນຄົວ ສ່ວນການເຂາະຝາເພື່ອຕິດຕັ້ງອຸປະກອນຕ່າງໆຈຳເປັນຕ້ອງໃຊ້ພຸກທີ່ອອກແບບມາເພື່ອອີດບອກເບົາເທົ່ານັ້ນ ຜູ້ເຈາະຄວນສືກສາຂໍ້ມູນຢ່າງລະອຽດ ຖ້າບໍ່ດັ່ງນັ້ນມັນອາດຈະສ້າງຄວາມເສຍຫາຍໃຫ້ອິດບອກເບົາເສຍຫາຍໄດ້.

ດິນບອ໋ກ

ສະຫຼຸບແບບໃດດີກ່ອນກັນ

ດັ່ງທີ່ກ່າວມາໃນຕອນເລີ່ມຕົ້ນ, ປະເພດດິນຈີ່ 3 ປະເພດນີ້ແມ່ນແຕກຕ່າງກັນ ຫຼື ແມ້ວ່າດີນປະເພດໃດຈະມີຂໍ້ເສຍປຽບໃດ ກໍສາມາດແກ້ໄຂໄດ້ທຸກຈຸດ ໃນທັດສະນະຂອງຜູ້ຂຽນຖ້າເລືອກໃຊ້ງານ ທັງ 3 ປະເພດຮ່ວມກັນ ໂດຍແບ່ງການໃຊ້ງານດັ່ງຕໍ່ໄປນີ້

ກໍ່ດີນຮ່ວມກັນຕາມຄວາມເໝາະສົມ ທັງ ດີນຈີ່, ອີດບອກເບົາ ແລະະ ດີນບອກ

ດິນຈີ່ ເລືອກໃຊ້ໃນບໍລິເວນທີ່ໄດ້ຮັບຄວາມຊຸ່ມຊື້ນເລື້ອຍໆ, ເຊັ່ນ: ຫ້ອງນ້ຳ, ເຮືອນຄົວ, ຫລືຝາທີ່ຖືກຝົນຕົກໂດຍກົງ ກໍລະນີຂອງການໃຊ້ດິນຈີ່ ເພື່ອໃຊ້ຮ່ວມກັບຝາພາຍນອກ ຈະເລືອກໃຊ້ ດີນສອງຊັ້ນເທົ່ານັ້ນເພາະຈະຊ່ວຍະປ້ອງກັນຄວາມຮ້ອນ, ປ້ອງກັນສຽງໄດ້ດີບໍ່ຈ່າງກັບອິດບອກເບົາ ແລະ ເລືອກທີ່ຈະໃຊ້ດີນປະສົມປະສານກັບຕຳແໜ່ງທີ່ຮັບນ້ຳໜັກຫຼາຍ ເຊັ່ນ: ອ່າງລ້າງໜ້າ, ໂຕະເທິງ ຫຼື ຝາທີ່ມີການປະດັບຕົກແຕ່ງວັດສະດຸທີ່ໜັກ.

ອິດບອກເບົາ ເລືອກໃຊ້ຮ່ວມກັບກຳແພງພາຍໃນ, ຫ້ອງນອນ, ຫ້ອງຮັບແຂກ ແລະ ຫ້ອງອື່ນໆ. ກໍລະນີຝາດ້ານນອກຈະເລືອກໃຊ້ສະເພາະດ້ານທີ່ບໍ່ຖືກຝົນສາດໂດຍກົງ ຫຼື ຖ້າທຸກຝາພາຍນອກທັງໝົດ ຈະເລືອກອີດບອກເບົາທີ່ມີຄວາມໜາຕັ້ງແຕ່ 10 ຊມ ຂຶ້ນໄປ.

ດີນບອກ ເລືອກໃຊ້ກັບງານທີ່ຕ້ອງການປະຫຍັດງົບປະມານ ແລະ ຕ້ອງການໃຫ້ແລ້ວໄວ.

ຕົວຢ່າງຂອງອັດຕາສ່ວນການໃຊ້ງານ

ໃນກໍລະນີຂອງຜູ້ຂຽນສ້າງເຮືອນ 1 ຊັ້ນ ຈະເລືອກໃຊ້ດິນຈີ່ເປັນຫລັກ ຖ້າເປັນເຮືອນ 2 ຊັ້ນ, ອັດຕາສ່ວນສະເລ່ຍແມ່ນຄືກັນ, ແຕ່ຖ້າເຮືອນສູງແມ່ນ 3-4 ຊັ້ນ ຫຼື ຫຼາຍກວ່ານັ້ນ, ເປີເຊັນສ່ວນໃຫຍ່ທີ່ຈະເລືອກໃຊ້ເປັນອີດບອກເບົາ ເນື່ອງຈາກວ່າມັນສາມາດຫຼຸດຜ່ອນຄ່າໃຊ້ຈ່າຍທາງໂຄງສ້າງ ແລະ ຄ່າໃຊ້ຈ່າຍແຮງງານໄດ້ດີກວ່າວຽກງານດິນຈີ່.

ການປຽບທຽບຄຸນສົມບັດຕ່າງໆ ຂອງດີນແຕ່ລະປະເພດ

ຈຳນວນການໃຊ້ງານຕໍ່ຕາແມັດ ແລະ ຄວາມໄວໃນການກໍ່ສ້າງ
 ຂະໜາດຂອງອີດທີ່ມີຄວາມແຕກຕ່າງກັນຢ່າງເຫັນໄດ້ຊັດ ສົ່ງຜົນຕໍ່ຄວາມໄວຂອງການກໍ່ສ້າງ ເຊິ່ງດິນຈີ່ສີແດງຂະໜາດ 5 – 6,5 ຊມ X ລວງຍາວ 14 – 16 ຊມ X ຄວາມສູງ  2,5 – 6 ຊມ., ໃຊ້ 120 – 135 ກ້ອນຕໍ່ຕາແມັດ, ສາມາດເຮັດໄດ້ 6 – 12 ຕາແມັດຕໍ່ມື້, ດີນບອກຂະໜາດຄວາມຍາວ 39 – 39 cm x  ຄວາມສູງ 19 ຊມ, ໃຊ້ 12,5 ກ້ອນ ຕໍ່ຕາແມັດ ສາມາດກໍ່ສ້າງໄດ້ 15-20 ຕາແມັດຕໍ່ມື້ ແລະ ອີດບອກເບົາ ຍາວ 60 ຊມ X ຄວາມສູງ 20 ຊມ, ໃຊ້ 8.33 ກ້ອນ ຕໍ່ຕາແມັດ ສາມາດສ້າງໄດ້ 15 – 25 ຕາແມັດຕໍ່ມື້

ການສະສົມຄວາມຮ້ອນ
ຝາຈະດູດຄວາມຮ້ອນຈາກທາງນອກຫລືບໍ່? ຂື້ນກັບໂຄງສ້າງຂອງວັດສະດຸ ເຊິ່ງດິນຈີ່ສີແດງແມ່ນເຮັດດ້ວຍດິນເຜົາ ໜາແໜ້ນເພາະສະນັ້ນມັນຈື່ງຂ້ອນຂ້າງດູດຄວາມຮ້ອນຈາກແສງແດດ, ເຮັດໃຫ້ຝາ ແລະ ບັນຍາກາດໃນຫ້ອງຈະຮ້ອນກ່ວາການໃຊ້ດິນອື່ນໆ, ແຕ່ມີຫຼາຍວິທີໃນການປ້ອງກັນຄວາມຮ້ອນຈາກພາຍນອກ, ເຊັ່ນ: ການກໍ່ສ້າງຝາອິດ 2 ຊັ້ນ ຫຼື ປູກຕົ້ນໄມ້ ເພື່ອປ້ອງກັນແສງແດດ, ສ່ວນດີນບອກ ແລະ ອິດມອນເບົາ ມັນແມ່ນວັດຖຸທີ່ມີການຟອງອາກາດ ແລະ ເປັນຊັ້ນ ມັນຈື່ງບໍ່ດູດຄວາມຮ້ອນຈາກພາຍນອກ ເຮັດໃຫ້ຝາ ແລະ ອາກາດຢູ່ໃນຫ້ອງເຢັນບໍ່ຮ້ອນອົບເອົ້າ.

ທຽບຄ່າໃຊ້ຈ່າຍ

ຖ້າປຽບທຽບພຽງແຕ່ຄ່າໃຊ້ຈ່າຍຂອງວັດສະດຸເທົ່ານັ້ນ ອິດບອກເບົາແພງທີ່ສຸດ ແຕ່ຖ້າວ່າຄ່າໃຊ້ຈ່າຍດ້ານວັດຖຸມາບວກກັບຄ່າໃຊ້ຈ່າຍແຮງງານຂອງນາຍຊ່າງ ລະຫວ່າງອີດບອກເບົາ ແລະ ດິນຈີ່ ກໍ່ສອງຊັ້ນ ຄ່າໃຊ້ຈ່າຍແມ່ນຄ້າຍຄືກັນຫຼາຍ. ໂດຍ​ສະ​ເລ່ຍອີດບອກເບົາມີລາຄາຕົ້ນທືນ 360 – 400 ບາດ / ຕາແມັດ, ຂື້ນກັບຕົວແບບ ແລະ ຍີ່ຫໍ້ ສຳລັບດິນຈີ່ກໍ່ 2 ຊັ້ນ, ລາຄາສະເລ່ຍແມ່ນ 400 – 420 ບາດ / ຕາແມັດ, ຄ່າໃຊ້ຈ່າຍກໍ່ບໍ່ແຕກຕ່າງກັນຫຼາຍ. ແຕ່ຖ້າທ່ານເອົາລາຄາຕໍ່າສຸດ ທ່ານອາດຈະຕ້ອງເລືອກເອົາດິນຈີ່ ແຕ່ກໍ່ຕ້ອງແລກມາດ້ວຍຂໍ້ເສຍປຽບບາງຢ່າງ. ການເລືອກໃຊ້ໃຫ້ ເໝາະກັບລັກສະນະຂອງວຽກ ມັນຈື່ງເປັນຄຳຕອບທີ່ສົມດຸນທີ່ສຸດ.